Salana Natia Muqabla and Gabriel Convention 14 August-11 September

(۱) علامہ محمد یوسف جبریلؒ ملک کی مشہور و معروف علمی وروحانی شخصیت ہیں اور واہ کینٹ میں کسی تعارف کی محتاج نہیں ہیں۔اُنکا ورثہ اُمتِ مسلمہ کیلئے ایک مشعلِ راہ کی حیشیت رکھتا ہے۔اُنکے اُفکاروپیغام کو اُجاگر کرنے اور آسان وفہم انداز میں عوام الناس تک پہنچانے کیلئے یوسف جبریلؒ فاؤنڈیشن کا آغاز ۹ نومبر۲۰۱۵ء کو کیاگیا تھا۔اس کے مقاصد میں تعلیمی اداروں میں مقابلے کا رجحان پیدا کرتے ہوئے تخلیقی صلاحیتوں کو فروغ دینا بھی ہے۔اسی سلسلے میں ایک نعتیہ مقابلہ کا اہتمام کیا گیا ہے جو ۱۴ اگست سے ۱۱ستمبر تک نیچے دیے گئے شیڈول کے مطابق منعقدہو گا۔
نمبر شمار
مقابلہ
مقام
تاریخ ،وقت
۱
گروپ A
جامع حسنینیہ احیاء العلوم 3Hنزد بیرئیر 2واہ کینٹ
14 اگست صبح 09:00بجے
۲
گروپB
جامع مسجد حنفیہ ، 20H واہ کینٹ
21اگست صبح 09:00بجے
۳
کوارٹر فائنل
جامع مسجد گلزارِ مدینہ ، نزد بیرئیر 2، جی ٹی روڈواہ کینٹ
28اگست صبح 09:30بجے
۴
سیمی فائنل
رومان پبلک سکول جلالہ روڈملک آباد
4ستمبرصبح10:00بجے
۵
فائنل،عُرس مبارک
آستانہ عالیہ علامہ محمد یوسف جبریلؒ ،جبریل روڈ لنک جلالہ روڈ ملک آباد
11ستمبر صبح 10:00 بجے
(۲) اس مقابلے میں ٹیکسلا سے حسن ابدال اور گردونواح کے ادارے شرکت کر یں گے۔ادارے سے مراد کوئی بھی مدرسہ،مسجد، خانقاہ،سکول،کالج،بزم،انجمن ہوسکتاہے۔ہرادارہ رجسٹریشن فارم کے ذریعے کم ازکم ایک اور زیادہ سے زیادہ پانچ اُمیدواروں کے کوائف فراہم کرے گاجو کہ مقابلے میں اُس ادارے کی نمائندگی کریں گے۔اُمیدوار کا ادارے سے وابستہ ہونا ضروری شرط نہیں ہے البتہ ہر ادارہ اپنے وابستگان کوفوقیت دے ۔امیدواروں کی عمر7-25سال کے درمیان ہونی چاہیے ۔رجسٹریشن کی کوئی فیس نہیں اور نامکمل فارم کو کوئی اہمیت نہیں دی جائے گی۔فارم جمع کروانے کی آخری تاریخ 31جولائی2016ء ہے۔جلدازجلد فارم بھرکے فاؤنڈیشن کے نمائندے کے موبائل نمبر ۔۔۔۔۔۔۔۔۔۔۔۔۔۔۔۔۔۔۔ پر ایس ایم ایس یا کال کر دیں ۔فارم آپ سے وصول کر لیا جائے گا۔
(۳) فائنل مقابلے میں اول ،دوم ،سوم درجے حاصل کرنے والے اُمیدواروں کو شیلڈز،سرٹیفیکیٹ اور سپیشل گفٹ دیے جائیں گے جبکہ سیمی فائنل تک پہنچنے والے سرٹیفیکیٹ اور سپیشل گفٹ اور کوارٹر فائنل تک پہنچنے والے صرف سپیشل گفٹ کے حقدارہوں گے۔فائنل جیتنے والے ادارے کے مہتمم اور ججز صاحبان کو بھی شیلڈز دی جائیں گی۔مقابلے کے انعقاد میں خصوصی تعاون کرنے والے حضرات ،اداروں کو اعزازی سرٹیفیکیٹ اور سپیشل گفٹ دیے جائیں گے۔تقریب تقسیمِ انعامات فائنل مقابلے کے بعد منعقد ہوگی اس لیے اوپر بیان کردہ تمام احباب سے گزارش ہے کہ وہاں اپنی حاضری یقینی بنائیں ۔
(۴) پورے مقابلے کیلئے نامی گرامی شعراء کے ساتھ ساتھ واہ کینٹ کے نعت گو شعراء کا کلام خصوصیت سے منتخب کیا گیا ہے۔سات سے پندرہ اور سولہ سے پچیس سال کے اُمیدواروں کیلئے علحدہ کلام ترتیب دیے گئے ہیں ۔ابتدائی طور پر رجسٹریشن فارم جمع کرواتے وقت ادارے کے متعلقہ شعبے کے نگران یا مہتمم انفرادی طور پراُس میں سے کلام منتخب کریں گے۔ہر اُمیدوار کو ایک منفرد انتخابی نمبر(Cid) ،کلام اور کلام نمبر(Nid) دیا جائے گا۔ہر مقابلے میں کامیاب ہونے والے اُمیدواراگلے مقابلے کیلئے چنیدہ کلاموں میں سے اپنے لیے خود انتخاب کریں گے۔
(۵) اُمیدواروں کو مقابلے کی جگہ تک لانے کا انتظام ہر ادارہ خود کرے گا۔مقابلے کے مقامات کا انتخاب کرتے وقت اس بات کو ملحوظِ خاطر رکھا گیا ہے کہ وہاں پہنچنے میں کسی قسم کی دقت نہ ہو۔فائنل مقابلے میں پبلک ٹرانسپورٹ نہ ہونے کی وجہ سے، نواب آباد سٹاپ سے مقابلے کے مقام تک پہنچنے کیلئے ٹرانسپورٹ کا انتظام کیا جائے گا جو مناسب کرایے میں اُمیدواروں ،معزز مہمانوں اور دیگر شرکاء کو ٹرانسپورٹ کی سہولت فراہم کرے گی۔
(۶) اس مقابلے کی کوئی انٹری فیس نہیں ہے اور زیادہ تر اُمور رضاکارانہ طور پر کیے جائیں گے ۔آپ سے التماس ہے کہ ہرممکن تعاون کی فضابنائے رکھیں تاکہ تمام معاملات خوش اسلوبی سے ہوجائیں اور یہ مقابلہ سالانہ بنیادوں پر ہوتا رہے۔عرس مبارک(فائنل پروگرام) کے لنگر میں حصہ ڈالنے کے خواہش مند حضرات نمائندے کو رقم دے سکتے ہیں لیکن رسید لینا نہ بھولیں ۔اگر آپ ادارے کا بینر فائنل مقابلے میں آویزاں کرنا چاہیں تو وہ یکم ستمبر سے پہلے ایف ٹی ایس سالوشن ، ہادی پلازہ نزد جنجوعہ سی این جی نواب آباد(0342-7775553)’ یا‘ جبریلؒ موبائلز اینڈ کمیونیکیشن ،قائد اعظم سٹریٹ نواب آباد(0313-5207402) پر پہنچا دیں ۔
اللہ ہم سب کا حامی و ناصر ہو۔
والسلام
رضوان یوسف اعوان
جنرل سیکرٹری
یوسف جبریل فاؤنڈیشن پاکستان
برائے رابطہ
Mobile No : 0332-5152261 , 0308-8374342 , 0310-5524524 , 0343-5131415


Print Friendly

Related Posts

  • 61
    مختصر تعارف علامہ محمد یوسف جبریل 17فروری 1917ءکو وادی سون سکیسر ضلع خوشاب میں ملک محمد خان کےگھر پیدا ہوئی۔ یہ وہی تاریخ بنتی ہےجس تاریخ کو بائیبل کےمطابق طوفان نوح آیاتھا ۔اس دور کو بھی ایک طوفان دیکھنا تھا مگر مختلف قسم کا ۔ طوفان نوح آبی تھا مگر…
  • 59
    بسم اللہ الرحمن الرحیم اللھم صلی علی محمد و علی آلہ و اصحابہ و اھل بیتہ و ازواجہ و ذریتہ اجمعین برحمتک یا الرحم الرحمین o توحید اور تولید قرآن و سنت کی روشنی میں (ایک تقابلی جائزہ ) پیش لفظ ان صفحات میں ایک حقیر اور ادنیٰ سی کوشش…
  • 59
    بابا جی یحییٰ خان سےایک ملاقات تحریر : محمد عارف یہ جون کی ایک کڑکتی ہوئی دوپہر تھی کہ جب میرےمحترم دوست شوکت محمود اعوان (واہ کینٹ) نےمجھےبتایا کہ میرےایک دوست (سعید صاحب ) ٹریول لاج ، ٥ سڑکی پٹرول پمپ ، سکالر کالج ، پی سی ہوٹل کےنزدیک صدر…

Share Your Thoughts

Make A comment

Leave a Reply